«Քպական պատգամավորը ճիշտ ու ճիշտ կրկնում է գործող իշխանության տեսակետը»․ Կ․ Հարությունյան

Լրագրող Կարինե Հարությունյանի գրառումը․ «Արցախը կորցնես լա՞վ ա, թե՞ Հայաստանը» ասող քպական պատգամավորը ճիշտ ու ճիշտ կրկնում է գործող իշխանության տեսակետը: Արդեն տևական ժամանակ է իշխանություն ներկայացնողները՝ գլխավոր խեղկատակի հետ միասին այս թեզն են առաջ տանում՝ ասելու համար, որ չեն կարող Ղարաբաղին սատարել, Ղարաբաղը թող իր գլխի ճարը տեսնի, իրենք հազիվ Հայաստանը փրկեն:
«Ղարաբաղը Հայաստան է ու վերջ» ասողն այսօր ասում է՝ «Ղարաբաղը պիտի բանակցի Բաքվի հետ»: Շուշիում քեֆ անողի՝ հընթացս Ալիևին քաջամկան վեհերոտությամբ հաթաթա տվողի գրպանի պատգամավորն ասում է՝ ավելի լավ է Ղարաբաղը կորցնենք:
...Ղարաբաղը, փաստացի, Էսօր մի կղզյակ է դարձել՝ կտրված արտաքին աշխարհից, ասել է թե՝ կյանքի համար անհրաժեշտ բոլոր միջոցներից: Սա նույնն է, թե հիվանդ մարդուն միացված շնչառական սարքն անջատես ու թողնես մեռնելու: Ու էս իշխանությունը դեռ խոսում է, վարչապետ կոչվածը դեռ երեք ժամ ասուլիս է տալիս, արտգործնախարարն ինչ-որ հեռախոսազրույցներ է ունենում, ԱԽՔ-ը խելքից դուրս հարցազրույցներ է տալիս, հետո մեկը մյուսին շտկում են, իսկ կոճակ սեղմելու համար մանդատ ստացած քպականների ձայնը դուրս չի գալիս...»։