«Փաշինյանն Արցախին ձեռքերը վեր բարձրացնելու ու հանձնվելու կոչ արեց»․ Քրիստինե Վարդանյան

«Ընդդիմությունը Փաշինյանի համար սպառնալիք է․ ես բոլոր հիմքերն ունեմ պնդելու, որ պատգամավորներին մանդատից զրկելու պահանջները կարող են լինել Ադրբեջանի և Թուրքիայի կողմից, որովհետև ՀՀ ազգային ուժերն են, որ կարող են վտանգ ստեղծել նրանց ծրագրերի իրականացման համար»,- այս մասին 24TV-ի եթերում հայտարարել է ԱԺ «Հայաստան» խմբակցության պատգամավոր Քրիստինե Վարդանյանը՝ խոսելով ընդդիմությանը մանդատներից զրկելու իշխանության ներկայացուցիչների հայտարարությունների մասին։
Անդրադառնալով նախօրեին Կառավարության նիստի ժամանակ Նիկոլ Փաշինյանի այն հայտարարությանը, որ Արցախի ղեկավարությունը չպիտի այնպիսի հայտարարություններ անի, որոնք ավելի կսրեն իրավիճակը, պատգամավորն ընդգծել է. «Փաշինյանն Արցախին ձեռքերը վեր բարձրացնելու ու հանձնվելու կոչ արեց, դա նույնն է, որ ցեղասպանության ժամանակ ասես՝ եկեք ինքնապաշտպանության հայտարարություն չանենք, որովհետև դա կսաստկացնի մեր նկատմամբ ալիքը»: