«Փաշինյան Նիկոլը շատ լավ ընդօրինակել և գերազանց կիրառում է «բաժանիր և տիրիր» սկզբունքը»․ Կ․ Հեքիմյան

Պահպանողական կուսակցության նախագահ Կարեն Հեքիմյանի գրառումը. «Այնուամենայնիվ, փաստենք, որ Փաշինյան Նիկոլը շատ լավ ընդօրինակել և գերազանց կիրառում է հռոմեական «բաժանիր և տիրիր» սկզբունքը: Ընդ որում, եթե հռոմեացիներն այն կիրառել են արտաքին թշնամիների պարագայում, ապա Փաշինյան Նիկոլը հռոմեական եզրույթը կիրառում է բացառապես մեր երկրի ներսում՝ ՀՀ քաղաքացիների նկատմամբ:
Չգիտեմ, թե ո՞վ է մեղավոր՝ «բաժանիր և տիրիր» սկզբունքի կիրառո՞ղը, թե՞ նրանք (տվյալ դեպքում՝ մենք), ում նկատմամբ այն կիրառվում է և ովքեր ընդունում են կիրառվող եզրույթի «խաղի» կանոնները: Գիտեմ միայն, որ Հռոմի կայսրությունը փլուզվեց նաև այդ սկզբունքի կիրառման արդյունքում»: