«Ոչ մարտական գործողությունների ժամանակ այսպիսի կորուստներ ունենալն անընդունելի է». Սեյրան Օհանյան

Այսօր ԱԺ-ում ճեպազրույցի ընթացքում «Հայաստան» խմբակցության պատգամավոր Սեյրան Օհանյանն, անդրադառնալով հունվարի 19-ին Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասում բռնկված հրդեհի հետևանքով 15 զինծառայողի զոհվելու դեպքին, ասել է. «Այդ ցավալի դեպքի պատասխանատուները՝ հակահրդեհային պատրաստության համար համապատասխան կանխարգելիչ միջոցառումներ իրականացնող պատասխանատուները, ընդ որում՝ նաև բարձրաստիճան պատասխանատուները, պետք է պատասխան տան: Եթե մենք ունենում ենք զոհեր և կորուստներ մարտական գործողությունների ժամանակ, դա որևիցե կերպ ընկալելի է, առանց անձնազոհության, առանց հերոսների չի կարելի պաշտպանել մեր հայրենիքը, ապա հարաբերական խաղաղ պայմաններում, ոչ մարտական գործողությունների ժամանակ այսպիսի կորուստներ ունենալը մեր ժողովրդի համար անընդունելի է»,- նշել է Օհանյանը: