«Ընդամենը վիճակագրություն են դարձրել Արցախի շրջափակման օրերը». Նաիրա Զոհրաբյան

ԱԺ նախկին պատգամավոր Նաիրա Զոհրաբյանը 168 TV-ի եթերում խոսելով Արցախը Հայաստանին կապող միակ ճանապարհի բացման հարցում ՀՀ իշխանության պարտավորությունների մասին՝ ասել է. «Արցախում ապրող 120 հազար հայի համար ՀՀ իշխանությունը ոչինչ չի անում և չի էլ անելու, ուստի նրանց համար՝ ինչպես պատերազմում մեր զոհված տղաները դարձան ընդամենը վիճակագրություն, այնպես էլ հիմա վիճակագրություն են դարձրել Արցախի շրջափակման օրերը»:
Զոհրաբյանը հայտնեց, որ իր տեղեկություններով Արցախին են փոխանցել Ադրբեջանի թելադրած նախապայմանները՝ ՀՀ իշխանության միջոցով՝ միջնորդավորված. «Ռուբեն Վարդանյանի հեռացում, Կաշենի հանքի գործունեության կասեցում, Բերձորի միջանցքում ռենտգեն-սկանի տեղադրում, Ադրբեջանի ներկայացուցչի ներկայություն այդ հատվածում, որպեսզի ցանկացած բեռ հսկվի»։