ՄԻԵԴ հերթական վճռով Հայաստանը 20 հազար եվրո փոխհատուցում կվճարի
![]() 210 Չորեքշաբթի, 25 հունվարի, 2023 թ., 22:06 Մարդու իրավունքների եվրոպական դատարանը (ՄԻԵԴ) հերթական վճիռն է կայացրել Հայաստանի դեմ. այս անգամ ստրասբուրգյան դատարանը բավարարել է «Ոսկանյանն ընդդեմ ՀՀ-ի» գործով ներկայացված բողոքը՝ արձանագրելով, որ ՀՀ Կառավարությունը խախտել է «Վանաձոր» քրեակատարողական հիմնարկի կալանավոր Սլավիկ Ոսկանյանի կյանքի իրավունքը: Ըստ քրեական գործի՝ 2010թ. հոկտեմբերի 7-ին Սլավիկ Ոսկանյանը ձերբակալվել է սպանության և զինված հարձակման կասկածանքով, Վանաձորի ոստիկանության բաժնի ձերբակալվածների պահման վայրից տեղափոխվել է «Վանաձոր» ՔԿՀ: Օրեր անց՝ հոկտեմբերի 18-ին, Ոսկանյանը բողոքել է ձախ սրունքի ցավից, այտուցից և հիպերեմիայից՝ նշելով, որ մաշկի տակ թուք է ներարկել։ Նրան զննել է կալանավայրի բուժկետի բժիշկը, որն արձանագրել է թարախ և արյուն, ինչի մասին ՔԿՀ-ի պետին հաղորդում է տվել այդ մասին։ Նույն օրը հրավիրվել է քաղաքացիական հիվանդանոցից վիրաբույժ։ Բժշկական փաստաթղթերում նշվում է՝ «վերքից շագանակագույն թարախային արտանետում»: Հոկտեմբերի 24-ին Սլավիկ Ոսկանյանը, որն առանց օգնության արդեն չի կարողացել տեղաշարժվել, իր երկու խցակիցների օգնությամբ տեղափոխվել է կալանավայրի բուժմաս: Որոշվել է շտապ վիրահատության համար տեղափոխել «Դատապարտյալների հիվանդանոց», սակայն Սլավիկը նույն օրը մահացել է: Դեպքի օրը քննիչը ցուցմունքներ է վերցրել ՔԿՀ-ի բժշկից: Վերջինը նշել է, որ ինքը բանավոր զեկուցել է կալանավորի առողջական վիճակի մասին իր վերադասներին՝ խնդրելով տեղափոխել հիվանդանոց՝ ստացիոնար բուժման համար, սակայն ապարդյուն: Սլավիկի դիահերձման եզրակացության համաձայն՝ վերջինիս մահը վրա է հասել մարմնի ընդհանուր թունավորման հետևանքով: 2010թ. դեկտեմբերի 30-ին քրեական գործ է հարուցվել բժշկի նկատմամբ՝ բժշկական անփութության հատկանիշներով։ Դատաբժշկական փորձաքննության համաձայն՝ Ոսկանյանի ախտորոշումը հիմնականում սխալ է եղել: Ախտորոշվել է միայն ձախ սրունքի վարակված վերքը՝ այն դեպքում, երբ արդեն 2010թ. հոկտեմբերի 19-ին երևում էր ավելի լուրջ պաթոլոգիա՝ գանգրենայի առկայությունը։ Եթե այդ օրվանից Ս.Ոսկանյանն արագ տեղափոխվեր հիվանդանոց և համապատասխան վերականգնողական ու վիրահատական բուժում ստանար, ապա հնարավոր կլիներ կանխել բացասական ելքը։ Ոսկանյանի կինը՝ Շուշանիկ Ոսկանյանը, պահանջել էր 8,000 եվրո նյութական վնասի փոխհատուցում, ինչպես նաև 50,000 եվրո ոչ նյութական վնասի հատուցում և 4,620 եվրո՝ ներպետական դատարանների առջև կրած ծախսերի համար: Կառավարությունը վիճարկել է այս պահանջը: ՄԻԵԴ-ը բավարարել է միայն 20,000 եվրոյի չափով փոխհատուցումը, որը ՀՀ Կառավարությունը պետք է փոխհատուցի եռամսյա ժամկետում: ![]() |
Ռուսաստանը պետք է վերապրի այն, ինչ ապրեցին գերմանացիները 1945 թվականի մայիսի 8-9-ին. Մելնիկ
5000:42«Կա մեկ տարբերակ ևս՝ սրանք մեզ հիմարի տեղ են դրել»․ Կարեն Հեքիմյան
4400:36«Հայաստանը դառնում է ագրեսոր, որովհետև ինքն է իրեն այդ դերում դրել». Հայկ Մարտիրոսյան
4500:06Ֆրանսիան և Ավստրալիան Ուկրաինայի համար համատեղ արկեր կարտադրեն
73Երեկ, 23:54Մատնությունից հետո ամուսիններին ձերբակալել են հակապատերազմական խոսքերի համար
115Երեկ, 23:18Բրիտանական Challenger տանկերը կարող են Ուկրաինայի առաջնագծում հայտնվել մինչև ամառ
59Երեկ, 22:36«Վաղը տեղի կունենա ոխերիմ հարևանի հայցի լսումը». Սոսի Թաթիկյան
98Երեկ, 22:12Ռուսաստանը նոր զորքեր է ուղարկում Ուկրաինայի հետ սահման
146Երեկ, 21:24