«Ձու նետելը մեքենայի վրա, որի մեջ նստած է ՀՀ վարչապետը, բողոքի անընդունելի ձև է». Զարեհ Սինանյան

ՀՀ Սփյուռքի գործերի գլխավոր հանձնակատար Զարեհ Սինանյանն այսօրվա ճեպազրույցի ընթացքում անդրադառնալով դաշնակցական որոշ գործիչների՝ Հայաստան մուտքի արգելքին, նշել է, որ իր տեղեկություններով բոլոր դեպքերը կապված են մեկ միջադեպի հետ. «Մեր պետական դրոշը կրող մեքենայի վրա ֆիզիկական հարձակման հետ է կապված: Բողոքի ակցիայի տարբեր ձևեր կան, ֆիզիկական հարձակումը և ձու նետելը համարյա ոչ մի տեղ ընդունելի ձև չեն։ Ձու նետելը, մանավանդ պետական սիմվոլները կրող մեքենայի վրա, որի վրա ՀՀ դրոշն է, որի մեջ նստած է Հայաստանի վարչապետը, դա բողոքի անընդունելի ձև է»,- ասել է Սինանյանը: