«Նրանք, ովքեր հասկանում են, որ այդ ճանապարհների կարիքը ունենք, փորձում են դրանց բացելու գինը մեզ համար ավելացնել». Փաշինյան

«Ցավոք սրտի, ԵԱՏՄ-ի հետ մեկ կապող օղակ ունենք՝ Վերին Լարսի ճանապարհն է՝ իր բոլոր հայտնի պրոբլեմներով, օբյեկտիվորեն անհաղթահարելի պրոբլեմներով»,-ԱԺ-Կառավարություն հարցուպատասխանի ժամանակ, ասաց ՀՀ վարչապետ Նիկոլ Փաշինյանը՝ անդրադառնալով ԵԱՏՄ երկրների միջև առևտրաշրջանառությունն ավելի խորացնելու հանգամանքին:

«Ինչ վերաբերում է տարածաշրջանային կոմունիկացիաներին, պետք է ասեմ, որ մենք ենք ամենաշատը շահագրգիռ, որովհետև մենք են 30 տարի եղել շրջափակման մեջ: Մասնավորապես ՀՀ- Ադրբեջան երկաթուղու և ավտոճանապարհների բացումը էականորեն կմեծացնի մեր առևտրաշրջանառությունը ԵԱՏՄ-ի հետ և ոչ միայն ԵԱՏՄ-ի հետ... Ուրիշ որևէ մեկը այդ ճանապարհների կարիքը ավելի շատ չունի: Նրանք բոլորը այդ ճանապարհների այլընտրանքը ունեն, և նրանք, ովքեր հասկանում են, որ այդ ճանապարհների կարիքը մենք ամենաշատն ունենք, փորձում են դրանց բացելու գինը մեզ համար ավելացնել»,- ասաց Փաշինյանը: