«Սեդա Սաֆարյանը կոպիտ խախտում է կատարել». Սիրանուշ Սահակյան

«Հայաստանի Հանրապետությունում այդպես էլ չկայացավ բարեվարքության համակարգը: Որքան էլ որ փորձեն միջազգային կառույցների աչքում գովազդել, որ բարեփոխել են օրենսդրությունը, ներդրել են կառույցներ, այստեղ պարզապես բացակայում է կամքը և համարձակությունը՝ ապահովել այդ կանոնների կենսագործումը»,- 168.am-ի հետ զրույցում ասաց սահմանադրական և միջազգային իրավունքի մասնագետ, իրավապաշտպան, «Միջազգային և համեմատական իրավունքի» կենտրոնի տնօրեն Սիրանուշ Սահակյանը՝ անդրադառնալով Սահմանադրական դատարանի դատավոր Սեդա Սաֆարյանի կողմից որպես ՍԴ դատավոր երդվելուց ու դատավորի իր անմիջական պարտականություններին անցնելուց հետո Վերաքննիչ դատարանում որպես դիմողի ներկայացուցիչ հանդես գալու վերաբերյալ խնդրին:

Նրա խոսքով՝ սահմանադրական մակարդակում կան սահմանափակումներ և արգելքներ, որոնք կիրառվում են պաշտոն զբաղեցնող անձանց վերաբերյալ և առավել խիստ պահանջներ են ներկայացնում դատավորներին:

«Դատավորները չեն կարող կատարել վճարովի այլ աշխատանք, իսկ փաստաբանությունը ենթադրում է վճարովիության սկզբունք: Եթե իրավապաշտպաններ և օրինական ներկայացուցիչ չեն, հասկանալի է, որ որոշակի խմբերին ծառայություններ մատուցելու հիմքում ընկած է վճարովիությունը»,- ասաց իրավապաշտպանը:

Մանրամասները՝ տեսանյութում