«Կիսաանեկդոտային պատմություններ կան, երբ վարորդները պարեկներին օրենք են բացատրում». Արմեն Աշոտյան

«Հապճեպ արված «բարեփոխում», խորքային վերլուծության ռազմավարության բացակայություն: Երբ վարչապետը կառավարության նիստում հայտարարում է, որ բարձրագույն կրթությունը պարտադիր չէ ու այսպիսի մոտեցմամբ են սկսում համալրել կադրերը... Բազմաթիվ կիսաանեկդոտային պատմություններ կան, երբ վարորդները պարեկներին օրենք են բացատրում: Ես ներողություն եմ խնդրում այն պարեկներից, որոնք էդպիսին չեն, բայց նրանց անվան հետ լիքը մարդ արդեն խաղում է»,- «5-րդ ալիքի» եթերում անդրադառնալով «Համերի» վարորդի երևանյան «գաստրոլներին» ու պարեկների աշխատանքին՝ գնահատական է հնչեցրել ՀՀԿ փոխնախագահ Արմեն Աշոտյանը: Նրա խոսքով՝ իշխանությունն անգամ իր ստեղծածը չի կարողանում բարձր մակարդակով ապահովել. «Պարեկային ծառայությունը ո՛չ Լևոնից են ժառանգել, ո՛չ Ռոբերտից, ո՛չ Սերժից, սա իրանց ստեղծած ինստիտուտն է»,- նշել է Աշոտյանը: