«ԺԷԿ-ի պետից քիչ լիազորություն ունեցող մարդկանց օգնական եք ավելացնո՞ւմ». Անի Խաչատրյան

«Նախ, վարչական շրջանների ղեկավարների լիազորությունները ավելացնեիք, հետո նոր՝ օգնականի հաստիք տայիք. ինչի՞ն պիտի օգնի՞, ի՞նչ ա անում վարչական շրջանի ղեկավարը: ԺԷԿ-ի պետից քիչ լիազորություն ունեցող մարդկանց ավելացնում եք օգնակա՞ն: Իսկ ինչ վերաբերում է փոխքաղաքապետերի օգնականին, չէ՛, լո՞ւրջ, տղե՛րք. գնալով փոխքաղաքապետեր ավելացրեցիք, չբավարարվեցիք, հիմա անցնում եք օգնականների ավելացմա՞նը»,- ավագանու նիստում հայտարարեց «Լույս» խմբակցության անդամ Անի Խաչատրյանը՝ հավելելով, որ նման իրավիճակ էր նաև Տարոն Մարգարյանի կամ նրանից առաջ եղած քաղաքապետերի ժամանակ, որոնց «կոստյումը հիմա հարմար հագել ու շարունակում են»:

Հիշեցնենք՝ նախագծով առաջարկվում է ավելացնել փոխքաղաքապետերի և վարչական շրջանների ղեկավարների օգնականների թիվը: