«Բաժնից եկա, տեսնեմ՝ դուռս ջարդած՝ գործիքներս չկան, նվեր ունեի պատից կախած՝ չկա». ՊՆ նախկին շենքի բնակիչ

«Երեկ առավոտ դուռս կողպեքով փակել, երեխեքին տարել եմ դպրոց: Հետ եմ եկել, տեսել եմ՝ էստեղ լիքը ոստիկաններ, ուզեցել եմ հելնեմ տուն, ինձ բռնել, տարել են բաժին: Բաժնից եկել եմ, գիշերը ստեղ եմ մնացել, առավոտ հելել եմ տուն, որ գործիքներս վերցնեմ: Տեսնեմ՝ դուռը ջարդած՝ գործիքներս չկան, նվեր ունեի պատից կախած՝ չկա: Էս ինվալիդ տղու էլ մեդալներն են տարել, տարել ինչ անեն,- ցույց տալով սալյակին նստած քաղաքացիներից մեկին, ասաց ՊՆ շենքի նախկին բնակիչը:

Հիշեցնենք, Կառավարության որոշման հիման վրա, երեկ ոստիկանական ստորաբաժանումները ՊՆ նախկին շենքի բնակիչներին բռնի ուժ գործադրելով դուրս են հանել տներից: Նրանք գիշերն անցկացրել են դրսում: