ՔՊ-ի ներսում խուլ դժգոհությունը դուրս է գալիս ջրի երես, և այդ մասին Նիկոլը լավ գիտի․ «Իրավունք»

«Իրավունք»-ը գրում է. «Վերջին շրջանում Նիկոլի դիրքերը սասանվել են հենց իր կուսակցության ու աջակիցների շրջանում: ՔՊ-ի տեղական գրասենյակներում արդեն բացեիբաց հայտնվում է դժգոհություն Նիկոլի թրքասեր կեցվածքի վերաբերյալ: Տեղական կառույցների ՔՊ-ականները, այսպես կոչված, կուսակցական շարքերը որևէ օգուտ իրենց իշխանությունից չեն ստացել, դրա փոխարեն առավոտից իրիկուն նրանք լսում են իրենց շրջապատի կողմից վիրավորանքներ, ծաղրանք և անգամ անեծքներ:

«Ինձ իմ շրջապատում ասում են թուրք ու ասում են, որ ես իրավունք չունեմ դրանից վիրավորվելու, քանի որ իմ ղեկավարն էլ է ասել, որ դա վիրավորական չէ: Երկրաշարժի ժամանակ օգնություն տանելն ու Արոյի՝ Անկարայում թուրքերի հետ պաչպչվելը իսկապես զզվանք է առաջացնում»,-մեզ հետ զրույցում ասում է շարքային ՔՊ-ականը, ում անունը, բնականաբար, չենք նշում:

Մեկ այլ շարքային ՔՊ-ական նույնպես վրդովված ասում է, թե՝ «Իրենք միլիոններ գռփեն, իսկ մենք առավոտից իրիկուն թուքումուր ուտենք, ինչիս է պետք, մեզ բոլորիս թուրք սարքեցին: Մարդ ամաչում է իր ընկերների կամ հարևանների աչքին երևալ: Հիմա ՔՊ-ից դուրս չեմ գա, որովհետև վախենում եմ հետապնդումներից, բայց ընտրությունների ժամանակ էս թուրքերին ձայն չեմ տալու»:

Մանրամասն՝ թերթի այսօրվա համարում