«Պուտին-Էրդողան-Ալիև-փաշինյան քառյակը այլ բան է պայմանավորվել». Թորոս Ալեքսանյան

Վերլուծաբան Թորոս Ալեքսանյանի գրառումը․ «Արևմուտքը պահանջում է Թուրքիայից, որ կարգավորի Հայաստանի հետ հարաբերություններն ու բացի սահմանը, դե Թուրքիայի ղեկավարությունն էլ Հայաստանի ղեկավարության հետ իմիտացիա են անում, որ իբրև թե ակտիվորեն աշխատում են այդ ուղղությամբ (չնայած որ այդտեղ ոչինչ անել հարկավոր չի, ընդամենը դեսպանատներ պիտի բացեն ու սահմանային անցակետեր տեղադրեն, դա մաքսիմում 1 ամսվա գործ է):
Բանն այն է, որ Պուտին-Էրդողան-Ալիև-փաշինյան քառյակը այլ բան է պայմանավորվել, համաձայն որի, պիտի Ադրբեջանը հարձակվի Հայաստանի վրա, Հայաստանից հսկայական տարածքներ գրավի, ու երբ իրավիճակը կհասնի այն կրիտիկական կետին, որ արդեն իսկ ամբողջ Հայաստանը պիտի զավթվի Ադրբեջանի կողմից, ահա այդ պահին Ռուսաստանը, իբրև թե, հայ ժողովրդի հանդեպ կարեկցանք դրսևորելով, կմիջամտի ու Հայաստանի տարածքները հետ բերելու պայմանով (բայց ոչ ամբողջությամբ) հայ ժողովրդին կառաջարկի իրենց երկիրը մտցնել Ռուսաստանի կազմ ու երբ դա տեղի կունենա և ՀՀ-ն դե յուրե կլուծարվի, հենց այդ պահին էլ Թուրքիան կբացի սահմանը, որը այդ ժամանակ արդեն իսկ կդառնա ռուս-թուրքական սահման, դեսպանատուն բացելու կարիք արդեն չի լինի, սակայն թուրքերը, մի գուցե «բարի կամք» դրսևորելով, Երևանում ինչ որ հյուպատոսարան բացեն:
Սակայն դա չի լինելու, քանի որ դա պլանավորված էր իրականացնել Ռուսաստանի կողմից Ուկրաինան զավթելուց հետո, իսկ այդ հետոն, ինչպես տեսանք, այդպես էլ չեկավ ու էլ երբեք չի գալու, իսկ Պուտինն ու Էրդողանը, իրենց ծրագրերով հանդերձ (նաև ՀՀ-ն լուծարելու մասով), շուտով անցյալ են դառնալու, անցյալ են դառնալու նաև նրանց տեղական սատրապ Ալիևն ու սատրապիկ փաշինյանը»: