«Ռուս-ուկրաինական պատերազմը փոխեց աշխարհաքաղաքական վիճակը՝ չազդելով Ադրբեջանի վրա». Ալիև

Ռուս-ուկրաինական պատերազմն ամբողջությամբ փոխեց ընդհանուր աշխարհաքաղաքական իրավիճակը, բայց դա ուղղակիորեն չի ազդել Ադրբեջանի վրա, ասել է Ադրբեջանի նախագահ Իլհամ Ալիևը՝ Մյունխենի անվտանգության համաժողովի շրջանակներում ելույթ ունենալով «Մագլցելով սարե՞րը. անվտանգության կառուցում Հարավային Կովկասում» թեմայով քննարկման ժամանակ։

«Ես կասեի, որ իրավիճակի անմիջական ազդեցությունը մեզ վրա չի զգացվել։ Ամբողջովին փոխվել է ընդհանուր աշխարհաքաղաքական իրավիճակը. հավանաբար, մենք չենք վերադառնա ռուս-ուկրաինական պատերազմին նախորդող ժամանակներին»,- ասել է ադրբեջանական պետության ղեկավարը։