«Առաջիկայում ինձ ավելի հաճախ կտեսնեք». Արթուր Վանեցյան

Ղարաբաղյան շարժման 35-ամյակին նվիրված համաժողովից հետո լրագրողների հետ զրույցում խոսելով խորհրդարանում իր գործունեությունը դադարեցնելու մասին՝ «Հայրենիք» կուսակցության ղեկավար Արթուր Վանեցյանն ասել է. «Ես համարում եմ, որ խորհրդարանն ինձ համար այլևս չի հանդիսանում այն վայրը, գործիքը, որով կարող եմ էֆեկտիվ պայքարել այս իշխանություններիի դեմ և ծառայել մեր երկրին։ Թե ինչով ենք զբաղված եղել, զբաղվել ենք կուսակցաշինությամբ, մարդկանց հետ հանդիպումներով։ Միգուցե հանրային գործունեություն չենք ծավալել, բայց հավատացեք՝ դա որևէ կերպ չի խանգարում մեր հասարակական-քաղաքական գործունեությանը։ Առաջիկայում, կարծում եմ, ինձ և իմ գործընկերներին ավելի հաճախ կտեսնեք տարբեր միջոցառումներին, տարբեր հարթակներում»: