«Ձեզ ինչո՞ւ են ընտրել». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Խորհրդարանական ընդդիմությունը խորհրդարանում ի՞նչ է անում, եթե մինչև հիմա վարչապետ Նիկոլ Փաշինյանից չի պահանջել բացահայտել, թե ինչ է նախատեսում Ադրբեջանի հետ խաղաղության պայմանագիրը, որը փաստացի նոր կապիտուլյացիա է։ Փողոցային պայքարը ձախողեցիք, խորհրդարանի ամբիոնը լավագույնս չեք օգտագործում, բա ձեզ ինչո՞ւ էին ընտրել։ Քրեական իրավունքի մեջ կա «հանցավոր անգործություն» եզրույթ, դա այն է, երբ տեսնում ես, որ հանցագործություն է կատարվում, սակայն ոչինչ չես անում այն կանխելու համար։ Հայրենիք ուրացող վիշապը Հայաստանում 7 գլուխ ունի, որոնք բոլորն էլ բաբառում են հայրենիքի հանդեպ իրենց մեծ սիրո մասին։ Այսօր արցախյան շարժման 35-ամյակն է, շնորհավորանքներ, պաթետիկ խոսքեր, ներկա վատթար վիճակի համար սեփական պատասխանատվությունը սքողող ընդհանուր արտահայտություններ։ Բոլորդ սուրբ եք, բա վանքի հավերն ո՞վ կերավ, ո՞նց ունեցանք Արցախի անունից իշխանության եկած, սուպերհարուստներ դարձածներ, թալանված հայրենիք, Արցախից գրավված, վերցված 7 շրջաններ, Հադրութ, Շուշի․ Հայաստանից գրավված տարածքներ, հազարավոր զոհեր, անթաղ դիակներ, բազում գերիներ, բազմապատկված Եռաբլուր և... այս ամենի ոչ մի մեղավոր»։