«Ադրբեջանի ներգրավվածությունը ներհայաստանյան քաղաքական պայքարում առնվազն չի կարելի բացառել». Վարդան Բալյան

Քաղաքական վերլուծաբան Վարդան Բալյանը ֆեյսբուքյան իր էջում գրում է. «Մյունխենի Անվտանգության համաժողովի շրջանակներում վարչապետ Փաշինյանի հետ պանելային քննարկման ժամանակ Իլհամ Ալիևի հայտարարությունը ՀՀ Ազգային ժողովի 2021 թվականի արտահերթ ընտրությունների արդյունքների և Փաշինյանի գլխավորած ուժի հաղթանակի մասին հիմք են տալիս ենթադրելու, որ ադրբեջանական կողմը կենսականորեն շահագրգռված է եղել նման արդյունքով: Այս համատեքստում նախընտրական շրջանում Ադրբեջանի ուղղակի կամ անուղղակի ներգրավվածությունը ներհայաստանյան քաղաքական պայքարում առնվազն չի կարելի բացառել: Իրեն հարգող ցանկացած պետությունում նման իրավիճակում իրավասու պետական մարմինները պարտավոր են քննություն նախաձեռնել: Վերջին տարիներին մեր երկրում բազմաթիվ մարդիկ են ձերբակալվել հօգուտ Ադրբեջանի լրտեսության մեջ մեղադրանքով, ինչն, անկասկած, է դարձնում համապատասխան ագենտուրա ձևավորելու ուղղությամբ այդ պետության ակտիվ գործունեությունը: Չի բացառվում, որ նույնքան ակտիվ է եղել աշխատանքը բազմաթիվ ու անհասկանալի ֆինանսավորմամբ քաղաքական կուսակցությունների ու գործիչների մասով»: