«Պատերազմները չեն ավարտվում խաղաղության պայմանագրով». Շավարշ Քոչարյան

«Այդ «Խաղաղության պայմանագիրը» իրականում հնուց եկած գաղափար է, երբ որ գործում է ուժի իրավունքը: Երբ որ խաղաղության պայմանագրով ուժեղը թույլին պարտադրում է իր բոլոր պայմանները: Այսօր, երբ որ ասում ենք՝ խաղաղության պայմանագիր, դրա տակ Ադրբեջանն ու Թուրքիան հասկանում են հնուց եկած նույն այն գաղափարը, էն որ արդեն մերժված է, և պետք է պարտադրեն իրենց բոլոր պայմանները»,- «Արցախի Հանրապետության միջազգային ճանաչման հրամայականը» թեմայով համաժողովի ժամանակ ասաց ՀՀ ԱԳՆ նախկին տեղակալ Շավարշ Քոչարյանը:

Խոսելով ժամանակակից միջազգային հակամարտությունների մասին, դիվանագետն ասաց. «Պատերազմները սկվում են չհայտարարելով. դուք չեք կարող հիշել մի դեպք, երբ որևէ մի տեղ պատերազմ է հայտարարվել, բայց անընդհատ պատերազմները, կոնֆլիկտները կան: Հաջորդը՝ պատերազմները չեն ավարտվում խաղաղության պայմանագրով. այլ, որպես կանոն, դա լինում է հրադադար, փխրուն հրադադար, որը ցանկացած պահի նորից կարող է խախտվել»: