«Դանդաղ մահվան գնացող գործողություն է». Արծվիկ Մինասյան

«Պաշտոնական Երևանը կարևորում է միջազգային մեխանիզմի կամ միջազգային տեսանելի մեխանիզմի ստեղծումը, որի շրջանակում Ստեփանակերտն ու Բաքուն պետք է երկխոսեն: Ինչպե՞ս եք գնահատում այս երկու դրույթները»,- ԱԺ ճեպազրույցի ժամանակ դիմելով «Հայաստան» խմբակցության պատգամավոր Արծվիկ Մինասյանին՝ հարցրին լրագրողները: «Բոլոր էն հայտարարությունները, թե իբր Արցախի ներկայացուցիչների հետ լավ է, որ նստեն, խոսեն և այլն, ձախողման է դատապարտված, որովհետև, եթե ի սկզբանե, Ադրբեջանն արձանագրում է, որ չկա այդպիսի միավոր, և արցախահայությանը դիտում է որպես Ադրբեջանի հասարակության կամ քաղաքացիների մի մաս, նշանակում է՝ ձախողված է մեր պատկերացումներին համապատասխան որևէ միջազգային մեխանիզմի գործադրում»,- ասաց Մինասյանը՝ հավելելով՝ ինչ էլ առաջարկեն, ժամանակավոր կամ դանդաղ մահվան գնացող գործողություն է: «Եթե էսօրվա իշխանությունը չհրաժարվի ինքնորոշման իրավունքից, կարելի է քննարկել ու տեսնել՝ ինչ մեխանիզմ կա»: