«Վաղը ձեր նախկին ու ներկա կուռքերը, եթե իրար կողք նստեն, ի՞նչ եք անելու». Ս. Սիմոնյան

ՀԽ նախկին մամլո քարտուղար Սյուզաննա Սիմոնյանը ֆեյսբուքյան իր էջում գրել է. «Զգո՞ւմ եք, որ լռում եմ Բաց թիվիի հաղորդման առնչությամբ։ Լռում եմ, քանի որ խոսելս չի գալիս։ Շատ շուտ եք կուռքեր ստեղծում, կռապաշտությամբ զբաղվում, հետո առիթի դեպքում վար եք բերում նախկին կուռքերին, վեր հանում մյուսներին և այդպես շարունակ։ Ոչ կռապաշտությունն է մի բան, ոչ էլ կռասպանությունը։ Բավական է մեկը մի բան ասի, ոհմակի պես հարձակվում ու հոշոտում ենք։ Որևէ մեկն իրավունք չունի ձեր կարծիքից տարբերվող կարծիք արտահայտելու։ Պատրաստ եք ոչնչացնելու։ Չեք պատկերացնի որքան արգահատելի է այս ամենը կարդալը։ Ոչնչացում, ոչնչացում, մինչև վերջ։ Սովորեք լսել ձեզնից տարբերվողներին։ Եթե համամիտ չեք, ապա իրենց գաղափարին ձերը հակադրեք, ոչ թե մարդասպանությամբ զբաղվեք։ Վաղը ձեր նախկին ու ներկա կուռքերը, եթե իրար կողք նստեն, ի՞նչ եք անելու»։