«Ասում էիք՝ «մեզնից պահանջում են իջեցնել նշաձողը», բայց, կանցլերի խոսքն ապացուցեց ուղիղ հակառակը»․ հարց՝ Փաշինյանին

«Դուք հայտարարել էիք Արևմուտքի և որոշ երկրների՝ Արցախի հարցով նշաձողն իջեցնելու ճնշումների մասին, բայց Գերմանիայի կանցլերի երեկվա խոսքում այդպիսի բան չլսեցինք»,- Գերմանիայում հայ համայնքի ներկայացուցիչների հետ հանդիպման ժամանակ դիմելով ՀՀ վարչապետ Նիկոլ Փաշինյանին՝ ասաց մասնակիցներից մեկը: «Այո, հնչել են պոզիտիվ հայտարարություններ ու հույս ունեմ՝ կշարունակեն հնչել, բայց պետք է գնահատենք՝ ի՞նչ են դրանք նշանակում գործնականում»,- մասնավորապես արձագանքեց վարչապետը: