«Նախկիններին հրեշացնող իշխանությունը նրանցից անցել է, կոռուպցիան բոլոր ոլորտներում ծաղկում է». Լիլիթ Գալստյան

«Քաղաքական անկարողություն և տգիտություն է Արցախի ժողովրդի ինքնորոշման իրավունքը մոռանալը, Փաշինյանը եկավ իշխանության՝ Արցախի ինքնորոշման իրավունքը իբրև հանձնառություն ստանձնելով, բայց հիմա չի կատարում այն: Նա պետք է ասի՝ ժողովուրդ, ձեզ ստել եմ, ինքնորոշման իրավունքի խոստումն իշխանության գալու համար էր»,- 24TV-ի հաղորդման ժամանակ ասել է ԱԺ «Հայաստան» խմբակցության պատգամավոր Լիլիթ Գալստյանը՝ անդրադառնալով Գերմանիայի հայ համայնքի հետ հանդիպման ժամանակ Փաշինյանի այն հայտարարությանը, որ ինքնորոշման իրավունքի մասին 30 տարի խոսել ենք, բայց ոչ մի բանի չենք հասել:

Անդրադառնալով իշխանության այն պնդումներին, թե հիմա համակարգային կոռուպցիա չկա, պատգամավորը նշել է. «Նախկիններին հրեշացնող իշխանությունը, հրեշացման պատկերից անցել է, ասում են՝ համակարգային կոռուպցիա չկա, բայց մենք տեսնում ենք, ինչպես է այն ծաղկում՝ մեկ անձից գնումներ և այլն: Փոշեկուլ գնողները հիմա միլիոնանոց վարկեր են ստանում, դա կոռուպցիա չէ՞: Երկիրն իրենց համար դարձել է «ծիրանագույն բուրաստան», բյուջեն կարասի են վերածել՝ պարգևավճարներից մինչև շռայլություններ, զբոսանքներ, ողբերգություն է, որ սա ժողովուրդը չի տեսնում»,- ասել է Գալստյանը: Մանրամասները՝ տեսանյութում: