«Բոլորս էդ մեքենայի մեջ ենք, անկախ նրանից՝ ուզո՞ւմ ենք էդ վարորդով տեղ գնալ, թե՞ չէ». Ս. Հակոբյան

Լրագրող, խմբագիր Սևակ Հակոբյանը ֆեյսբուքյան իր էջում գրում է. ««Արագության տակ գնացքը ընթանում է դեպի պայմանականորեն ասած՝ անդունդ, էդ գնացքը կանգնացնել հնարավոր չէ» - Նիկոլ Փաշինյան (01․10․2022թ․)
«Ես եկել նստել եմ մեքենայի ղեկին և քշում եմ էդ մեքենան, մեկ էլ պագրիշկեն վրից թռնում ա և էդպես շարունակ» - Նիկոլ Փաշինյան (03․03․2023թ․)
«Կարող են ստեղծվել իրավիճակներ, որոնք ձևակերպվում են հին հայական հայտնի առածով՝ Մի հիմար քարը փոսը գցեց, 10 խելոք չկարողացան հանել» - Նիկոլ Փաշինյան (01․10․2022թ․)
Էս սկետչը մեկին մեկ մեր անհաջող վարորդի մասին է։ Վիտալի Նալիվկին հերոսի մասին ծաղրական տեսանյութում գտնվում է մեկը, որ հրաժարվում է նստել մեքենան, որի ղեկին անհաջող վարորդ է, բայց քանի որ մտել է ավտոբուս, դռները փակվում են ու էլ չի կարողանում դուրս գալ, մինչև գետը շուռ գալը։
Մեզ մոտ էլ է նույնը, բոլորս էդ մեքենայի մեջ ենք, անկախ նրանից՝ ուզում ենք էդ վարորդով տեղ գնալ, թե չէ, անհաջող վարորդը խելակորույս արագությամբ քշում է ու ասում է, որ գնում ենք դեպի անդունդ ու կանգնեցնել հնարավոր չէ»: