«Վարդանյան Ռուբենը գնաց՝ խնդիրը մնաց, միգուցե նաև խորացավ». Կ. Հեքիմյան

Պահպանողական կուսակցության նախագահ Կարեն Հեքիմյանի գրառումը. «Վարդանյան Ռուբենը գնաց: Եկավ հաջորդը: Խնդիրը մնաց: Միգուցե նաև խորացավ: Գիտե՞ք ինչու: Որովհետև, չգիտենք, թե ինչ ենք ուզում:
Ի՞նչ է մեզ համար Արցախը: Ինչպիսի՞ն ենք տեսնում Արցախի ապագան:
Եթե Արցախի վերաբերյալ չկա նպատակ, ապա այդպես էլ ասեք: Եվ դա գոնե ազնիվ կլինի: Բացի դրանից՝ արցախահայությունն իր անելիքը կիմանա: Կամ՝ եթե ոչ նպատակ կա, ոչ էլ ասելիք, ապա գնացեք: Զիջեք մարդկանց, որոնք նպատակ ունեն և ասելիք:
Երբեմն ինձ թվում է, որ Արցախում իշխանությունները բնակչության դեմ դասական և կանոնավոր հիբրիդային պատերազմ են վարում:
Այսպես շարունակվելու դեպքում, իշխանությունը կհաղթի բնակչությանը, եթե բնակչություն մնա: Սակայն, եթե չլինի բնակչություն, իշխանությունը կիմաստազրկվի: Սրանք նույնիսկ չեն հասկանում, որ հիբրիդային պատերազմները պետք է տրամաբանության մեջ տեղավորվեն»: