«Քեզ Արևմուտքը թույլ չի տալիս ՀԱՊԿ-ից դուրս գալ». Հրանտ Բագրատյան

«Ինչի՞ ես ոչնչացնում էս պետության անվտանգության հիմքերը. ինքն ա ոչնչացնում, ոչնչացնում են արտախորհրդարանական ուժերը, որոնց հետ հանդիպում է. դրանք չունեն ռուսների հետ՝ արշավ են սկսել ռուսների դեմ»,- «Հայելի» ակումբում նման տեսակետ հնչեցրեց ՀՀ նախկին վարչապետ Հրանտ Բագրատյանը՝ խոսքն ուղղելով ՀՀ վարչապետի Նիկոլ Փաշինյանին: «Առանց այն էլ էսքան թշնամի ունենք՝ Թուրքիան, Ադրբեջանը: Ձեզ հարյուր անգամ ասել ենք՝ ռուսը հայ ժողովրդի կա՛մ բարեկամը կարա լինի, կա՛մ ամենաոխերիմ թշնամին: Դու հիմա Արևմուտք ես խաղացնում, ինչի՞ ես խաղացնում: Արևմուտքը քեզ ինքը թույլ չի տալիս ՀԱՊԿ-ից դուրս գալ՝ Ֆրանսիան, Ամերիկան: Ես սա հաստատ եմ ասում: Այսինքն դու, նոր պաշտպան չգտած, ՌԴ-ին դարձնում ես երրորդ թշնամի»,- ասաց Բագրատյանը՝ հավելելով, որ հակառուսականությունը ձևականորեն սկսվեց Բերձորի միջանցքի փակումից հետո. «Ասվեց, որ ռուսները չեն կարողանում բացել միջանցքը. մինչդեռ ես բացատրել եմ, որ ռուսները չեն բացում, որովհետև Փաշինյանն արել է սխալներ»: