Վրաստանի իշխող ուժը հանդես է եկել հայտարարությամբ

Վրաստանում «օտարերկրյա գործակալների» մասին օրենսդրական նախաձեռնությամբ հանդես եկած կուսակցությունները հայտարարություն են տարածել:

Հայտարարության մեջ, մասնավորապես, նշվում է, որ օրենսդրական նախաձեռնությունը պայմանավորված է եղել վտանգի սպառնալիքով, սակայն «ստի մեքենան կարողացել է օրինագիծը ներկայացնել բացասական լույսի ներքո և մոլորության մեջ գցել հանրության որոշակի հատվածին»։
«Օրենքի նախագծին փակցվել է «ռուսական օրենք» կեղծ պիտակը, որի առաջին ընթերցմամբ ընդունումը հանրության մի մասի աչքում ներկայացվել է որպես շեղում եվրոպական օրակարգից»,- նշված է հայտարարության տեքստում:

Կուսակցությունը հավելել է, որ Վրաստանը կպահպանի խաղաղությունն ու կայունությունը և կշարունակի արժանապատվորեն գնալ դեպի Եվրոպա: