«Չինաստանի միջնորդությամբ Իրանը կատարեց պատմական քայլ». Կիվիրյան

Վերլուծաբան Արգիշտի Կիվիրյանի գրառումը․ «Չինաստանի միջնորդությամբ Իրանը կատարեց պատմական քայլ, փաստացի կարգավորելով հարաբերությունները Սաուդյան Արաբիայի հետ, եւ վերականգնելով այս երկրի հետ դիվանագիտական հարաբերությունները։ Իսկ սա նշանակում է, որ Թեհրանը վերականգնելով հարաբերությունները սունիթական աշխարհի տրիգգերի հետ, փաստացի իրեն ապահովեց այդ ուղղությունից՝ կտրուկ պակասեցնելով իր հակառակորդների ճամբարը։ Ու դրանից անմիջապես հետո, նախօրեին իրանական ռազմական ուղղաթիռը փաստացի հայտնվել էր Արցախի ազատագրված տարածքներում, առաջացնելով Բաքվի իշխանությունների սարսափը։ Երբ դիվանագիտական ճանապարհով խաղից դուրս եկան Սաուդիտները ու իր սատելիտները, երկրաշարժի ու ընտրությունների հետեւանքով խաղից դուրս եկավ Թուրքիան, ապա արդեն ոչ թե Բաքուն է սպառնում Իրանին, այլ իրանական գիշատիչը շուռ եկավ դեպի Ադրբեջան, ում նկատմամբ կուտակվել են անսպառ խնդիրներ ու պահանջներ...»: