«Փաշինյանը շուկայի վերաբաշխում է անում, «Նոր Զովք» սուպերմարկետին հետապնդում են, իսկ մյուսներին` ոչ». Արմեն Մարտիրոսյան

«Իշխանությունը քիչ-քիչ կոռուպցիոներ է դառնում, քանի որ աստիճանաբար են սովորում։ Կոռուպցիոն համակարգային բուրգը չի փոխվել, քանի որ 2018-ի իրադարձությունները հեղափոխություն չէին, այլ իշխանության հանձնում»,- 24TV-ի եթերում նշեց քաղաքական գործիչ Արմեն Մարտիրոսյանը։

Վերջինի կարծիքով «հեղափոխությունից» հետո ոչինչ չի փոխվել. «Չէր էլ կարող փոխվել, որովհետև համակարգը չի փոխվել. իրավական համակա՞րգն է փոխվել, օլիգարխնե՞րն են փոխվել, եկամուտների բաշխման սկզբո՞ւնքն է փոխվել, ի՞նչն է փոխվել»:

Խոսելով «Նոր Զովք» սուպերմարկետի նկատմամբ քրեական հետապնդման մասին, քաղաքական գործիչն ասաց. «Փաշինյանը շուկայի վերաբաշխում է անում, «Նոր Զովք» սուպերմարկետին հետապնդում են, իսկ մյուսներին՝ ոչ»։