«Հայկական կողմը պետք է ասի՝ համաձայն եմ բանակցել, եթե միջազգային ներկայացուցիչներ կընդգրկվեն». ՔՊ-ական

«Բաքվի հերթական մանիպուլյացիան է, թե Ղարաբաղի հայ համայնքի ներկայացուցիչները գան Բաքվում բանակցենք, նման հանդիպումները պետք է լինեն երրորդ երկրի տարածքում, միջազգային հանրության ներկայացուցիչների ներգրավմամբ, որպեսզի Ադրբեջանը չկարողանա ակնհայտ փաստերը մանիպուլացնել և այլ լույսի ներքո ներկայացնել, նրանք այդ հարցում վարպետ են»,-այս մասին 24TV-ի եթերում ասաց ԱԺ «Քաղաքացիական պայմանագիր» խմբակցության պատգամավոր Հակոբ Ասլանյանը՝ անդրադառնալով Ադրբեջանի նախագահ Իլհամ Ալիևի աշխատակազմի առաջարկին՝ Բաքվում «Ղարաբաղի հայ համայնքի ներկայացուցիչների» հետ շարունակելու շփումները վերաինտեգրման, ինչպես նաև՝ Ղարաբաղում ենթակառուցվածքային ծրագրերի իրականացման հարցը քննարկելու շուրջ:

Պատգամավորը համոզված է, որ Բաքուն նպատակ չունի Արցախի հետ բանակցել, հատկապես, երբ ասում է՝ կամ պետք է ինտեգրվեք Ադրբեջանին, կամ Արցախից թողնեք ու դուրս գաք:

«Հայկական կողմը պետք է ասի՝ համաձայն եմ բանակցել, եթե միջագային ներկայացուցիչներ կլինեն պրոցեսում ընդգրկված»,- նշեց պատգամավորը: