«Իրանական քաղաքականության տեսանկյունից սա ողջամիտ միտք է». Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Ես հանդես եմ գալիս Հայաստան-Իրան-Հնդկաստան ռեգիոնալ քաղաքական գծի ձևավորման օգտին, սակայն պետք անկեղծ խոսել։
Ադրբեջանը հսկայական տեխնիկա է կուտակում Հայաստանի և Արցախի սահմաններին։ Ռազմական տեխնիկայի խոշոր շարասյան կադրեր են հրապարակել իրանական ալիքները։
Սակայն մի միտք են նշել, որը պետք է տագնապ, սթափության կոչնակ լիներ ցանկացած ողջամիտ հայի համար. «Սյունիքը դա մեր (Իրանի) մի մասն է»:
Իրանական քաղաքականության տեսանկյունից սա ողջամիտ միտք է, երևի այս պահին միակը, այն տեսանկյունից, որ նման տագնապալի իրավիճակում Հայաստանի իշխանությունները «մուկ են նկարում», փաստացի թքած ունենալով Հայաստանի տարածքային ամբողջականության վրա։ Բնական է, եթե դու չես պաշտպանում քո տարածքները, միշտ կհայտնվի մեկը, ով կպաշտպանի, բայց ո՛չ անվճար։
Լուծումը ես առաջարկել եմ՝ կարճաժամկետ հեռանկարում ռազմավարական համագործակցություն սկսել Իրանի և Հնդկաստանի հետ, միջնաժամկետ հեռանկարում՝ Իրանի և Չինաստանի հետ, ձևավորելով համագործակցության երկու եռյակ, որոնք իրական հողի վրա կարող են նպաստել Հայաստանի անվտանգային միջավայրի ձևավորմանը։
Հ.Գ. Ուղղակի ուզում եմ հասկանալ, եթե Հայաստանի թշնամիները իշխանություն ունենային Հայաստանում, է՞լ ինչպես երկիրը կոչնչացնեին»: