«Հասել են եղևնիներին». ՊՆ նախկին շենքի թալանը շարունակվում է․ «Իրավունք»

«Իրավունք» թերթը գրում է. «Արդեն 34-րդ լուսաբացն են ՊՆ նախկին շենքի բնակիչները դիմավորում փողոցում՝ վրանի տակ: Պնդում են, որ նստացույցը շարունակելու են և զարմանում, որ շտապօգնության մեքենան էլ է իրենց լքել, մինչդեռ վրանների տակ շարունակում են մնալ նաև անչափահաս երեխաներ:

Ի դեպ, նստացույցի մեջ գտնվողն քաղաքացիներն «Իրավունք»-ին տեղեկացրին, որ այս օրերին ՊՆ նախկին շենքի ներսում շարունակվում է թալանը: Սկսած շինանյութից ամեն ինչ տանում են անհայտ ուղղությամբ, այդ թվում՝ օրեր առաջ սպիտակ Ford մակնիշի մեքենայով տարել են նաև տարածքում եղած եղևիները, որոնք ջրում, խնամում ու պահպանում էին ՊՆ նախկին շենքում կացարան գտած քաղաքացիները:

Հարցին, թե արդյոք այդ թալանից տեղյակ է շենքում հսկողություն իրականացնող ոստիկանությունը, պատասխանն «իհարկե՝ այո» էր»:

Առավել մանրամասն՝ թերթի այսօրվա համարում։