«Թող իրենց կոտրած ձեռքով Պրահայում թուղթ չստորագրեին». Գեղամ Մանուկյան

«Ադրբեջանը միշտ էլ սադրանքների դիմելու է»,- ԱԺ-ում լրագրողների հետ զրույցում խոսելով Բաքվի ագրեսիվ գործողություններից, ասաց «Հայաստան» խմբակցության պատգամավոր Գեղամ Մանուկյանը:

«Հիմա որ խոսենք, իշխանավորները կասեն՝ դուք Ալիևի ջրաղացին ջուր եք լցնում. թող իրենց կոտրած ձեռքով Պրահայում թուղթ չստորագրեին, Ալմա-Աթայի հռչակագիրը հիմք չընդունեին առանց հայկական կողմի՝ դեռ 92 թվականի վերապահումների, որով Ադրբեջանի ամբողջականություն էին ճանաչում, և իրենց կոտրած ձեռքով թուղթ չստորագրեին առանց Բաքվի և Ստեփանակերտի երկխոսության հիմքի կարևորությունը նշելով: Այսօր էլ, Ադրեջանն ավելի քիչ կամ, էսպես ասած, իրավական միջազգային հնարավորություն կունենար նման ճնշումներով պայմանական ձևական երկխոսություն կազմակերպել Արցախի ղեկավարության և արցախահայության հետ»,- ասաց Մանուկյանը: