«Փոխոստիկանապետերը գոնե ամաչեն իրենց ուսադիրներից». Գեղամ Մանուկյան

«Երեկ ամբողջ օրը մտածում էի՝ մենք ինչի մեջ ենք, երկիրն ինչի մեջ է, բանակն ինչի մեջ է, անվտանգությունը... ու ՔՊ-ականների ոգևորված՝ կեղծ ու շիտակ լուրերը, ոստիկաններին լցնելը. փոխոստիկանապետերը գոնե ամաչեն իրենց ուսադիրներից: Հարյուր անգամ իրենց երեսին ենք ասել՝ սրանք գնալու են, դուք եք մնալու, հերի՛ք ա սրանց էս ձևի ծառայեք»,- «Երկրի հյուրասրահում» հաղորդաշարի եթերում ասել է «Հայաստան» խմբակցության պատգամավոր Գեղամ Մանուկյանը՝ անդրադառնալով ԱԺ-ում տեղի ունեցած միջադեպին ու Մհեր Սահակյանին բերման ենթարկելուն: «Մեկ էլ տեսնում ես՝ ԱԺ տեսախցիկները հայտնվում են կառավարության աշխատակազմի ղեկավարի տեղակալի անձնական կայքում ու Փաշինյանի կնոջ կայքում: Արդեն քանի դեպք է, երբ ԱԺ անվտանգային տեսախցիկները, որի բոլոր իրավունքները պաշտպանված են, հայտնվում է աշխատակազմի ղեկավարի տեղակալի, որ ֆեյքերի ՊՈԱԿ աշխատացնող մեկն է, դրա կայքում»,- նշել է պատգամավորը: