«Սակուրաների, Սիմոնյան Ալենի թուքի և Տեր-Պետրոսյանի խրատների քողի տակ Արցախը հայաթափելու միջոցներ են գործադրվում». Հեքիմյան

Պահպանողական կուսակցության նախագահ Կարեն Հեքիմյանի գրառումը. «Մինչ հայազգի բնակչությունը Սիմոնյան Ալենի, սակուրաների և Տեր-Պետրոսյան Լևոնի վերաբերյալ կարծիքներ է հայտնում, Արցախի պետնախարար Ներսիսյան Գուրգենն ավետում է, որ «այսուհետ Արցախից ՀՀ հնարավոր կլինի մեկնել խիստ անհրաժեշտության դեպքում, ռուս խաղաղապահների միջոցով»:
Այսինքն, ռուս խաղաղապահները կարող են ուղեկցել միայն Արցախից ՀՀ մեկնողներին: Ներսիսյան Գուրգենի հայտարարության մեջ ոչինչ չի ասվում Արցախից մեկնածների հետ վերադարձի և ՀՀ-ից Արցախ մեկնողների մասին:
Շատերը կարող են հակադարձել, որ ՀՀ-ից Արցախ մեկնողների խնդիրը Ներսիսյան Գուրգենի իրավասությունից դուրս է և դրանով պետք է զբաղվի ՀՀ կառավարությունը: Եվ, քանի որ ՀՀ կառավարությունից որևէ մեկը չի հայտարարել ՀՀ-ից Արցախ մեկնելու ընթացակարգի մասին, ապա ողջամիտ կասկածներ են առաջանում առ այն, որ սակուրաների, Սիմոնյան Ալենի թուքի և Տեր-Պետրոսյան Լևոնի խրատների քողի տակ Արցախը հայաթափելու միջոցներ են գործադրվում»: