«Ի՞նչ է լինելու, երբ հյուրերի հետ Պապլավոկում նստած լինի, ու մեկը ասի՝ «պրիվետ ***»». Գ. Թոսունյան

Լրագրող Գևորգ Թոսունյանի ֆեյսբուքյան գրառումը․ «Իմ կարծիքով՝ ամեն ինչ սկսվում է մի սովորական լուսանկարից, ավելի ճիշտ այդ նկարը պաշտոնյաների սենյակներում կախելու, թվում է թե, անէական մի նախաձեռնությունից։ Երբ սկսեցին լուսանկարները կախել սենյակներում, սկսեցին նաև արդարացնել այդ գործողությունները։ Այդ ավանդույթը սերմի պես բան էր, որը հետագայում ծառի է վերածվելու։ Լուսանկարին հաջորդեցին իրենց ատելի նախկիններին բնորոշ վարքագծին համահունչ գործողություններ, օրինակ, ծեծը խորհրդարանում։ Մինչև նրանց պաշտպանները գոռում էին՝«Ուժեղ խփի, դրանց տեղն ա», նրանք՝ ծեծողները ու հատկապես գերագույն գլխավոր հանդիսատեսը թերևս մոռացել էին, որ իրենց իսկ սկսած հեղափոխությունը թավշյա էր, մերժել էր բռնությունն ու խոստացել՝ հարցերը լուծել առանց բռունցքների։ Իսկ վերջին օրերի իրադարձությունները, ընդհանրապես, վկայում են, որ սերմը լավ էլ ծիլեր ա տվել։ Իսկ ի՞նչ է լինելու վաղը, երբ, օրինակ, նույն պաշտոնյան հյուրերի հետ նստած լինի Պապլավոկում, ու մեկն էլ մտնի ներս, ասի՝ «պրիվետ դավաճան»»։