«Սրանք նաիրիհունանյանների հովանավորներն են». Լյովա Եղիազարյան

«Հանրապետություն» կուսակցության անդամ Լյովա Եղիազարյանի գրառումը. «Քաղաքական խոսքի անվան տակ ինչ կաղկանձ ասես չի հնչում իրենց քաղաքական համարող, ռուսների ու նրանց հինգերորդ շարասյան առաջնորդների շահերը սպասարկող լաքեյների կողմից;
Տարբեր տեսակի քաղաքական կոչվող բեսեդկաներում, ուղիղ եթերներում, մոդայիկ դարձած պոդքաստներում, մի քանի հոգանոց հանրահավաքներում ազատ ու քաղաքական կոչվող խոսքի շղարշի տակ տարածվում է քրեորեն պատժելի բառամթերք՝ հայհոյանք, սպառնալիք ու ահաբեկում:
Սա քարոզչության հետ կապ չունի, սա քաղաքական-քարոզչական տեռոր է, որը կարող է վերածվել իրական տեռորի, որին ականատես եղանք Ազգային ժողովում։
«Նիկոլականների մարմինները ծառերից կախելը» ծնկի ծայրին ասած խոսք չէ, այն հենց այնպես ասած միտք չէ։
Սրանք հեռու են գնալու։
Սրանք նաիրիհունանյանների հովանավորներն են ու գաղափարական ժառանգորդներն են։
Օրենքը պետք է գործի։
Ամենայն խստությամբ»: