«Հաջորդ իշխանության հիմնական դաշնակիցը լինելու է... Չինաստանը». Կարեն Քոչարյան

Քաղտեխնոլոգ Կարեն Քոչարյանը գրում է. «Երբ Հայաստանում գործունեություն իրականացնող միջազգային կառույցները որևէ կերպ չեն արձագանքում ԱԺ նախագահի թքելու փաստին (ընդ որում նա թքել է Կանադայի քաղաքացու վրա ակնհայտորեն բռնություն գործադրելով), երբ այդ նույն կառույցները որևէ կերպ չեն արձագանքում այն փաստին, որ ԱԺ իշխող ֆրակցիայի քարտուղարը ԱԺ «Մարդու իրավունքների» հանձնաժողովի նիստի ընթացքում սպառնում է լեզու և ականջ կտրել, չեն արձագանքում, որ Նարեկ Սամսոնյանի և Մհեր Սահակյանի նկատմամբ քաղաքական հետապնդում է իրականացվում, հասկանո՞ւմ են արդյոք, որ ապագայում իրենց ոչ մի հայտարարություն, կոչ և հորդոր կապված ժողովրդավարության, մարդու իրավունքների և այլ գեղեցիկ բաների մասին, հայ հասարակությունը լուրջ չի ընդունելու: Հասկացեք, հաջորդ իշխանությունը (որի կազմում լինելու են ամերիկյան, ֆրանսիական և ռուս-հայկական սլավոնական համալսարանների շրջանավարտ երիտասարդներ) աշխատելու է և ամերիկացիների, և ֆրանսիացիների, և ռուսների հետ..., բայց ոչ առաջինները, ոչ երկրորդները, ոչ էլ երրորդները առանձնապես ազդեցություն չեն ունենալու: Հաջորդ իշխանության հիմնական դաշնակիցը լինելու է... Չինաստանը: Մի հատ նայեք այդ գերտերության ազդեցությունը տարածաշրջանում, հետո գնացեք Իսակովի պողոտա և տեսեք, թե ինչ մեծության դեսպանատուն են կառուցել վերջիններս Երևանում (ի դեպ ԱՄՆ դեսպանատան և ռուսական եկեղեցու հարևանությամբ): Եվ այդքանից հետո մտածեք, արժե արդյոք, հին անեկդոտի մոտիվներով, «էս ձիշովի գյադեքի համար նստատեղը թրջել»»: