«Չտրված հարցեր՝ Սերժ Սարգսյանին». Ոսկան Սարգսյան

Լրագրող Ոսկան Սարգսյանի գրառումը. «Չտրված հարցեր՝ Սերժ Սարգսյանին

Նայեցի Սերժ Սարգսյանի՝ ոտքի վրա մինի մամուլի ասուլիսը։ Սպասում էի, որ լրագրողներից մեկը նախկին նախագահին կհարցնի, թե ինքը 2018-ին ի՞նչ հզոր ուժերի է պարտվել, ինքը Նիկոլ Փաշինյանին խորհուրդ է տալիս թողնել վարչապետի պաշտոնը և ընդդիմադիր թերթում բանսարկությամբ զբաղվել, ինչո՞ւ էր նախկինում թույլ տալիս, որ ընդդիմադիր պատգամավոր Նիկոլ Փաշինյանը տարածեր իր եղբայր Սաշիկի կողմից 50/50 փայ մտնելու լուրը (այս 5 տարում դա այդպես էլ չապացուցվեց), ինչո՞ւ էր թույլ տալիս, որ իր հզոր, հանրահայտ փեսան Նիկոլ Փաշինյանի ընտանեկան թերթի ամբողջ հատավաճառն իրացնի առանց հետ վերադարձի, ինքը ինչո՞ւ դարձավ խորհրդարանական «Ելք» դաշինքի քավորը, Անգլիայից որպես նախագահացու բերեց նախկինում ՀՀ քաղաքացիությունից հրաժարված Արմեն Սարգսյանին և այլն»: