«ԱԱԾ կայքում հոկտեմբերի 8-ի նյութը ջնջված է». Գեղամ Մանուկյան

«Պատերազմի օրերից սկսած՝ Փաշինյանը փորձել է սեփական մեղքերը բարդել ուրիշների վրա»,- ԱԺ-ում ճեպազրույցների ժամին հայտարարեց «Հայաստան» խմբակցության պատգամավոր Գեղամ Մանուկյանը. «Մի փաստ ասեմ. 2020թ. հոկտեմբերի 8. Փաշինյանը ստատուս է գրում, որ բռնել են մեկին, որը պանիկա է տարածում առաջնագծում, հանձնարարել եմ ԱԱԾ-ին և այլն: Նույն օրը ԱԱԾ-ն հաղորդագրություն է տարածում, որ ձերբակալվել է հայրենիքի դավաճանության հոդվածով և այլն: Դրանից հետո սկսվեց հանրային արշավը իշխանական՝ դավաճանություն, առաջնագիծ... 2022թ., դատախազություն հարցում եմ արել՝ հայրենիքի դավաճանության հոդվածով ամբողջ պատերազմի ընթացքում քանի՞ քրգործ եք հարուցվել, պատասխանում են՝ զրո: Օրերս պարզեցի, որ ԱԱԾ կայքում հոկտեմբերի 8-ի էդ կալանքի, դավաճանության նյութը ջնջված է, չկա»,- հայտարարեց Մանուկյանը: