«Այդ անձը պետք է ենթարկվի քրեական պատասխանատվության». Արմեն Խաչատրյան

ԱԺ-ում լրագրողների հետ զրույցում, ՔՊ-ական պատգամավոր Արմեն Խաչատրյանը՝ անդրադառնալով ՀՀ տարածք ներթափանցած Ադրբեջանի քաղաքացիների հարցին, թե արդյոք բացառո՞ւմ է նրանց վերադարձնելու տարբերակը, ասաց. «Այո, բացառում եմ, որովհետև տեղի է ունեցել հանցագործութուն, դա պետք է պարզվի, գնահատական տրվի ՀՀ օրենքներով, և այդ անձը պետք է ենթարկվի քրեական պատասխանատվության: Մի բան հստակ կասեմ, որ քննությունը դատախազությունում և քննչական մարմիններում չի ընդհատվելու, արարքը որակվելու է, և հանցագործը դատի է տրվելու: Դրանից հետո ինչ միջպետական պայմանավորվածություններ կլինեն՝ կախված է իրավիճակից»:

Ինչ վերաբերում է նրանց հայ գերիներով փոխանակելու տարբերակին, պատգամավորը նշեց, որ նախաքննության ընթացքում դա նույնպես բացառում է: