«ՀՀ վարչապետը խոստովանեց, որ ունակ չի կատարել իր վրա դրած պարտականությունները». Ս. Սահակյան

Հասարակական գործիչ Սուրեն Սահակյանը ֆեյսբուքյան իր էջում գրում է. «Ազգային ժողովում Նիկոլ Փաշինյանի երեկվա խոսքը հուշում ա, որ էդ մարդը ՀՀ քաղաքացիների ֆիզիկական անվտանգությունն ու տարածքային ամբողջականությունը, ինչպես նաև արցախահայության իրավունքների լիարժեք իրացումը ապահովելու բավարար ունակություն չունի։ Ավելին, նա հայտարարեց դրանք ապահովելու անհնարինության և էդ հարցերում զիջումների գնալու իր պատրաստակամության ու մտադրությունների մասին, ինչի վերաբերյալ նախկինում տրամագծորեն հակառակ դիրքորոշումներ էր հնչեցրել։ ՀՀ վարչապետը խոստովանեց, որ ունակ չի կատարել իր վրա դրած պարտականությունները։ Փաստացի, ՀՀ վարչապետը անգործունակ ա։
Հետևաբար, օգտագործելով ֆեյսբուքյան իմ էջի ընձեռած հնարավորությունները, դիմում եմ ընկերներիս․
Եթե ձեզնից մեկը էս վտանգավոր իրավիճակի ի շահ Հայաստանի հանգուցալուծման հնարավորություն ա տեսնում, խնդրում եմ ինձ գրել՝ փորձելու համատեղ իրագործել։ Եթե լուծումներ չկան, որտեղ հստակ հնչում են հարցերի պատասխաններ, թե ինչ անել ու ոնց դա իրականություն դարձնել, ապա ես ինքս պետք ա նախաձեռնողականություն ցուցաբերեմ։ Ինքս էլ մտքեր ունեմ, բայց դրանք մշակման կարիք ունեն և հում վիճակում հրապարակելու չեն։ Ինձ ուղղակի հետաքրքիր ա՝ հանրային դաշտում, իմ տեսադաշտում ինչ մտքեր են արտադրվում էս ընթացքում և արտադրվո՞ւմ են արդյոք, որովհետև տեսանելի ոչ մի բան չկա։ Նախապես ասեմ, որ ընտրական գործընթացներով պայմանավորված՝ որևէ գործընթաց ողջամիտ չեմ համարում»: