«ՀՀ «հպարտ» քաղաքացին՝ մուրացկանի կարգավիճակում. Մաս 2». Պետրոս Մակեյան

«Ժողովրդավարական հայրենիք» կուսակցության նախագահ Պետրոս Մակեյանը ֆեյսբուքյան իր էջում գրել է. «Փաշինյանի հերթական «հանճարեղ» ձևակերպումը՝ իրենք, որպես իշխանություն, քաղաքական էլիտա չեն, այլ միջին վիճակագրական հայ մարդ են։ Ցավոք, իրենք ո՛չ էլիտա են, ո՛չ էլ միջին վիճակագրական հայ, այն պարզ պատճառով, որ միջին վիճակագրական հայերը չեն կարող լինել այդ աստիճանի ազգադավ։ Փաշինյանը նպատակ ունի կրկին դիմել մանիպուլացիայի՝ փորձելով ներկայացնել, որ իշխանավորներից յուրաքանչյուրն իր գլխավորությամբ 680000 մուկուչյանական ընտրազանգվածից մեկն է, այսինքն՝ վերադարձ 3 միլիոն վարչապետ ձևակերմանը, որոնց Նիկոլը, 2018թ-ի օգոստոսի 17-ից խաբելով ուղարկեց տներն ու մոռացավ։
Այնուամենայնիվ՝ Փաշինյանը պարտավոր է պատասխանել, թե հնարավոր է միջին վիճակագրական հայ ընտանիքը ձեռք բերի 200-300 հազար դոլարի բնակարան կամ առանձնատուն, ինչը համատարած իրականացնում են իշխանավորները, այն էլ այն դեպքում, երբ 3 տարի է երկիրը վերածել են դժոխքի՝ չկա շաբաթ, որ թշնամին լայնամասշտաբ կամ լոկալ հարձակումների չենթարկի՝ ներխուժելով մեր տարածքները, ուղեկցելով զոհերով ու վիրավորներով, ինչը չի խանգարում իշխանություններին շարունակելու պարգևավճարներ ստանալ , ցուփ ու շվայտ կյանք վարել։
Վերջապես, Փաշինյանը կարո՞ղ է ներկայացնել 1 փաստ, երբ միջին վիճակագրական հայ մարդը, թիկնազորով շրջելով փողոցում, հրանգավորում է քաղաքացու ձեռքերը բռնեն, որ հարմար, առանց խոչընդոտի թքի դեմքին։
Աստված էլ բեթարից ազատի»։