«120000 խաղաղ հայերը պատանդ են վերցվել Ադրբեջանի կողմից». Էդմոն Մարուքյան

ՀՀ հատուկ հանձնարարություններով դեսպան Էդմոն Մարուքյանը թվիթերյան իր էջում գրել է․ «Շուրջ 2 տարի է, ինչ ահազանգում ենք Լեռնային Ղարաբաղում էթնիկ զտումների Ադրբեջանի մտադրության մասին։ Այսօր Ադրբեջանն անօրինական անցակետ է տեղադրում Լաչինի միջանցքում, ինչը նոյեմբերի 9-ի Եռակողմ հայտարարության կոպիտ խախտում է։ Սա նշանակում է, որ 120.000 խաղաղ հայերը հայտնվել են Լեռնային Ղարաբաղում թակարդում և պատանդ են վերցվել Ադրբեջանի կողմից։ Սա տեղի է ունենում միջազգային հանրության լուռ դիտարկման ներքո։ Ավելին, սա մարդու իրավունքների շարունակական կոպիտ խախտումներին չարձագանքելու, ինչպես նաև Ադրբեջանի կողմից նախկինում իրականացված վայրագությունների հանդեպ հանդուրժողականության արդյունք է»։