«Թուրքիայի հետ հարաբերությունների բարելավման ճանապարհին Հայոց ցեղասպանության ճանաչման նախապայման չենք դնելու». Վիգեն Խաչատրյան

«Մենք բազմիցս ասել ենք, և ՀՀ բոլոր իշխանություններն են ասել, որ Թուրքիայի հետ հարաբերությունների բարելավման ճանապարհին նախապայմաններ մենք չենք դնելու: Երբ հարաբերությունները Թուրքիայի հետ կվերականգնենք, կհաստատենք դիվանագիտական հարաբերություններ, մեր պատմության ընթացքում ծառացած բոլոր կնճռոտ հարցերն ըստ պատշաճի կքննարկվեն և լուծումներ կտրվեն»,- այս մասին ասել է ՔՊ-ական պատգամավոր Վիգեն Խաչատրյանը՝ պատասխանելով հարցին՝ հայ-թուրքական հարաբերությունների կարգավորման օրակարգում Հայոց ցեղասպանության ճանաչման և պահանջատիրության հարցը կա՞, թե՞ ոչ: «Նախապայման, որ մինչև դուք չճանաչեք, մենք դիվանագիտական հարաբերությունները չենք վերականգնելու, չկա տենց պահանջ»,- հավելել է պատգամավորը: