«Համաձայն չեմ, որ ՀՀ-ն որևէ քայլ չի ձեռնարկում. դրանք, ըստ էության, տեսանելի են». Ն. Զեյնալյան

Ադրբեջանը հերթական անցակետն է տեղադրել Լաչինի միջանցքում և ՀՀ իշխանությունները որևէ քայլ չեն ձեռնարկում. ԱԺ առողջապահության հարցերի հանձնաժողովի նախագահ Նարեկ Զեյնալյանի հետ ճեպազրույցում, ասացին լրագրողները:

«Համաձայն չեմ, որ ՀՀ-ն որևէ քայլ չի ձեռնարկում: Քայլեր ձեռնարկվում են և դրանք, ըստ էության, տեսանելի են: ՄԱԿ-ի միջազգային դատարանը որոշում կայացրեց, որը պարտադիր կատարման ենթակա իրավական ակտ է, բայց, այնուամենայնիվ, Ադրբեջանի կողմից դեռևս չի իրականացվել: Բայցևայնպես, պառլամենտական դիվանագիտությունը շատ ակտիվ աշխատում է այդ ուղղությամբ և բոլոր հանդիպումների ընթացքում ինտենսիվ այդ հարցը բարձրացվում է: Մեր միջազգային գործընկերները տարբեր միջազգային հարթակներում ևս այդ շեշտադրումները կատարում են»,- ասաց Զեյնալյանը: