«Երեկ Բաքվում էլ ասացի՝ խաղաղության ճանապարհը հնարավոր է». Ֆրանսիայի ԱԳ նախարար

«ՀՀ կառավարությունը խոսում է խաղաղության օրակարգին հավատարիմ լինելու մասին, բայց Ադրբեջանը շարունակում է օկուպացված պահել ՀՀ ինքնիշխան տարածքների մի մասը, չի վերադարձնում գերիներին. այսպիսի մթնոլորտում հնարավո՞ր է իրական խաղաղություն»,- ասուլիսի ժամանակ դիմելով Ֆրանսիայի ԱԳ նախարարին՝ հարցրին լրագրողները: «Այս գործընթացը գոյություն ունի ու այն անհրաժեշտ է ու միակ ճանապարհն է, որ հնարավորություն կտա՝ խաղաղության հասնել: Մենք քաջալերում ենք կողմերին՝ հետևել այդ ճանապարհին, աստիճանաբար վստահություն հաստատել, ինչը արդյունքի հասնելու կամք ունենալու հնարավորություն կտա: Մենք պատրաստ ենք աջակցել գործընթացին: Երեկ Բաքվում էլ ասացի՝ խաղաղության ճանապարհը հնարավոր է. այն ենթադրում է վճռականություն, համարձակություն, տեսլական. տեսլական, որը կկիսեն կողմերը»,- ասել է Կատրին Կոլոննան: