«ՔՊ-ականները վաղը կմիանան այլ ուժի, եթե զգան, որ «նավակը ճոճվում է»». Վահրամ Աթանեսյան

Քաղաքական վերլուծաբան Վահրամ Աթանեսյանը ֆեյսբուքյան իր էջում գրում է. «Կարելի՞ է ասել, որ ԽՄԿԿ քսան միլիոն տոմսավորները հավատավոր կոմունիստներ էին։ Իհարկե՝ ոչ։ Այլապես ԽՍՀՄ-ը չէր փլուզվի։ ՀՀՇ բոլոր անդամները պետականաշինության, ԼՂ կարգավորման գաղափարախոսությունը անվերապահորեն կիսո՞ւմ էին։ Անշուշտ՝ ոչ։ Հակառակ դեպքում նրանք առաջին նախագահին սատար կկանգնեին։ Բոլոր ՀՀԿ-ականները Նժդեհի հոգեզավա՞կ են։ Անառարկելիորեն՝ ոչ։ Թե չէ 2018-ին չէին միանա «ոչ բռնի, թավշյա հեղափոխությանը»։ Բոլոր ՔՊ-ականներն «ուսապա՞րկ» են։ Համոզված եմ՝ ոչ։ Վաղը նրանք կմիանան այլ ուժի, եթե զգան, որ «նավակը ճոճվում է»։ Ոչ թե «նավակ ճոճողն» է փոխվում։ Ո՞վ մնաց։ Գրեթե՝ ոչ ոք։ Հայաստանում կար եւ պետք է մնար երկու ուղղություն, հոսանք, գաղափարախոսություն։ Մեկը՝ պրագմատիկ, մյուսը՝ իդեալիստ։ Իդեալիստները չկարողացան հրապարակային բանավեճում հաղթել պրագմատիկներին, բայց ստեղծեցին իրենց «աղանդները»։ Նժդեհը այս դեպքում ճիշտ է․ «Դաշնակցությունն այնքան ուժեղ չէ, որ հայ ազգին միավորի, բայց պառակտել կարող է»։ Ահա իրականությունը»։