«Չգիտես՝ ի՞նչ ու ինչպե՞ս անես այսքան «հայրենասեր» անհայրենիքների հետ». Մ. Հակոբյան

Արցախի ԱԺ «Արդարություն» խմբակցության պատգամավոր Մետաքսե Հակոբյանը գրել է. «...իսկ իրականում...մեզնից մի մասը հայրենասիրական պաթոսի ներքո, 2020-ի «հաղթելու ենք» կարգախոսով, մյուս մասը կատաղությունից շնչահեղձ լինելով, թշնամու հերթական ստորացումը կուլ տվեցինք: Սա էլ 2020-ի նման սովորական կդարձնենք ու համբերատար կսպասենք հաջորդին...որովհետև կլինեն հանրային «լուրջ» մարդիկ ու կհամոզեն, որ իշխանություններին պիտի օգնել, որ փակուղի է, որ սրանց այլնընտրանք ՉԿԱ, որ չենք կարող, որ, որ, որ...ու չգիտես, ինչ ու ինչպես անես այսքան «հայրենասեր» անհայրենիքների հետ... դրանցից մեկն էլ ասում է. «շուտով անցագրային կետի տեղակայման կետում Արցախի ԶՈւ ստորաբաժանման սանհանգույցն է լինելու»: Ու չգիտես, լա՞ս, որ քո բաժին թշնամու նենգությունը սահմաններ չունի, թե՞ խնդաս, որ քո բաժին իշխանությունները հենց սրանք են... Հ.Գ. միգուցե ե՞ս էլ սկսեմ ապրել...»: