«Քաղաքականությամբ չեմ կարող զբաղվել․ այդքան քֆուր չգիտեմ»․ Սերգեյ Դանիելյան

«ՀՀ-ին պետք է իշխանափոխություն, բայց էն ուռոդները պիտի չգան, դա բացառվում է: Էն հին կուսակցությունները՝ Հանրապետական, Դաշնակցություն, Բարգավաճ, իրենք չպիտի էլ գան, վերջ, պրծավ: Սրանց էլ պիտի հանենք: Պետք է այլ կուսակցություն գա՝ ինչ-որ մի արևմտամետ կուսակցություն՝ ո՛չ ծայրահեղական, ո՛չ նացիոնալիստական»,- այս մասին Factor.am-ի հետ զրույցում ասել է դերասան Սերգեյ Դանիելյանը: Խոսելով ապրիլի 29-ի՝ Քաղաքացու օրվա մասին, նշել է՝ չի կարծում, որ ստեղծված իրավիճակում Հայաստանում Քաղաքացու օր նշելը տեղին է. «Հեղափոխություն չեղավ, դա պրիմիտիվ իշխանափոխություն էր. ոչ մի արժեքային, մշակութային փոփոխություն չեղավ, իսկ եթե դա չի լինում, ապա բոլոր այլ փոփոխություններն անիմաստ են՝ չեն կարող կայանալ»,- հավելել է նա: